दक्षिण एसियामै पहिलो ‘ट्राइब काठमाडौं’ सञ्चालनमा आउने, सब्रिना होटल लिमिटेड र एकोरबीच सम्झौता

काठमाडौं । सब्रिना होटल लिमिटेडले विश्वप्रसिद्ध फ्रान्सेली होटल समूह एकोर (Accor) को लाइफस्टाइल ब्रान्ड ‘ट्राइब’ नेपाल भित्र्याएको छ । काठमाडौंको बुढानीलकण्ठस्थित गणेश चोकमा निर्माण गरिएको होटल अब ‘ट्राइब काठमाडौं’ नामबाट सञ्चालन हुने भएको हो ।

सब्रिना होटल लिमिटेड र ट्राइब होटलबीच भारतको नयाँ दिल्लीमा गत साता सम्झौता भएको थियो । सोही विषयबारे जानकारी दिँदै शुक्रबार पत्रकार सम्मेलनको आयोजना गरि कम्पनीले 'ट्राइब'सँग सहकार्य गरेको औपचारिक घोषणा गरेको हो । कम्पनीका अनुसार यो ट्राइब ब्रान्डको दक्षिण एसियामै पहिलो परियोजना हो ।