थपियो कर्मचारीलाई मन्त्रालयमै सेवा, बिमार भयो कि ठाउँको ठाउँ उपचार [तस्बिरहरू] 

काठमाडौँ । निजामती कर्मचारीलाई सहज, छिटो र गुणस्तरीय स्वास्थ्य सेवा उपलब्ध गराउने उद्देश्यले संघीय मामिला तथा सामान्य प्रशासन मन्त्रालयमा निजामती कर्मचारी अस्पतालको स्वास्थ्य सेवा इकाई सञ्चालनमा आएको छ।

गत १९ गतेबाट मन्त्रालय भवनको तल्लो तलामा सञ्चालनमा आएको उक्त सेवा इकाईमार्फत निजामती कर्मचारी आधारभूत स्वास्थ्य सेवा उपलब्ध गर्दै आएको छ । मन्त्रालयका अनुसार स्वास्थ्य सेवाका लागि कर्मचारीहरू अस्पतालसम्म पुग्नुपर्ने बाध्यता कम गर्दै कार्यस्थलमै स्वास्थ्य परीक्षणको सुविधा उपलब्ध गराइएको हो।