सेनाको सपना त्यागेर टीकापुर बनाउन जुटेका सन्तोष

टीकापुर । नेपाली सेना बनेर देश र जनताको सेवा गर्ने सपना बोकेका टीकापुरका सन्तोष खड्काको त्यो सपना पूरा हुन सकेन। तर, अहिले उनी जीवनका धेरै कुरा छोडेर आफ्नो ठाउँ टीकापुरलाई सुन्दर, समृद्ध र विकसित बनाउने अर्को ठूलो सपना बोकेर अघि बढिरहेका छन्।

युवा अवस्थामै टीकापुर उद्योग वाणिज्य संघको अध्यक्षको जिम्मेवारी सम्हालेका खड्का व्यवसायीको हकहितसँगै टीकापुरको विकास र समृद्धिलाई प्राथमिकतामा राखेर सक्रिय छन्। भदौ २२, २०८२ मा सम्पन्न संघको २६औँ साधारणसभाबाट अध्यक्षमा निर्वाचित भएपछि उनले व्यवसायीका समस्या समाधानदेखि स्थानीय विकासका विभिन्न विषयमा सक्रिय भूमिका निर्वाह गर्दै आएका छन्।