बाढी–पहिरोले देशभरका सडक प्रभावित, पृथ्वी राजमार्ग पूर्ण अवरुद्ध

काठमाडौं ।

लगातारको बाढी तथा पहिरोका कारण देशभरका विभिन्न राजमार्ग तथा सडकखण्ड प्रभावित भएका छन् । नेपाल प्रहरीले बिहीबार बिहान सार्वजनिक गरेको पछिल्लो विवरणअनुसार काठमाडौं, काभ्रे, रसुवा, नुवाकोट र धादिङका विभिन्न स्थानमा सडक अवरुद्ध हुनुका साथै केही सडकखण्डमा एकतर्फी तथा समयअनुसार सवारी सञ्चालन भइरहेको छ । धादिङको बेनीघाट रोराङ गाउँपालिका–७ स्थित कृष्णभीरमा पहिरो खसेपछि पृथ्वी राजमार्ग पूर्ण रूपमा अवरुद्ध भएको प्रहरीले जनाएको छ ।