१ लाख ३० हजारमा नक्कली नागरिकता !, कर्मचारीको चलाखीले गिरोहको पर्दाफास

असार २४ गतेको मध्याह्न, जिल्ला प्रशासन कार्यालय मोरङको प्राङ्ग्रणमा सेवाग्राहीको बाक्लो उपस्थिति थियो । त्यही भिडमा थिइन्, ३० वर्षीया मनीषा कुमारी कामत ।

सप्तरीको डाँढा स्थायी घर भई हाल विराटनगर–१४ मा डेरा गरी बस्ने मनीषाको अनुहारमा एउटा मलिन आशा थियो । श्रीमानको मृत्युपछि दुई सन्तानको लालनपालनको भारी एक्लै बोकिरहेकी उनलाई राज्यले दिने ‘एकल महिला भत्ता’ले ठूलो आड पुग्ने विश्वास थियो ।