पहिरो र बाढीले मुख्य राजमार्ग प्रभावित

लगातारको वर्षाका कारण देशका विभिन्न राजमार्ग तथा सडकखण्डमा पहिरो र बाढीको असर परेको छ। नेपाल प्रहरीले सार्वजनिक गरेको विवरणअनुसार बागमती र कर्णाली प्रदेशका विभिन्न स्थानमा सडक पूर्णरूपमा अवरुद्ध हुनुका साथै केही सडकखण्डमा एकतर्फी सवारी सञ्चालन भइरहेको छ।

काठमाडौँको चन्द्रागिरि नगरपालिका–२, विसापानी क्षेत्रमा पहिरोका कारण काठमाडौँ–धादिङ सडकखण्डमा एकतर्फी सवारी सञ्चालन भइरहेको छ।