कृष्णभीरको पहिरोले ग्यासका बुलेट रोकिएपछि ५३ हजार सिलिन्डर काठमाडौं पठाइयो

काठमाडौं– धादिङको कृष्णभीरमा पहिरोका कारण ग्यास बोकेका बुलेट काठमाडौं आउन नसकेपछि विभिन्न जिल्लामा रहेका ग्यास उद्योगबाट ५३ हजार ४६९ सिलिन्डर भरेर काठमाडौं पठाइएको छ ।

उपत्यकामा खाना पकाउने ग्यासको अभाव हुन नदिन बुधबार चितवनसहित विभिन्न जिल्लामा रहेका उद्योगबाट ग्यासका सिलिन्डर भरेर काठमाडौं पठाइएको नेपाल एलपी ग्यास उद्योग सङ्घका केन्द्रीय सदस्य विमल कालाखेतीले जानकारी दिनुभयो ।