मणिपालमा ‘एक्सप्रेसन्स २०२६’ सुरु, कला र खेलमार्फत एकताको सन्देश

पोखरा । मणिपाल शिक्षण अस्पताल तथा मणिपाल कलेज अफ मेडिकल साइन्सेजको वार्षिक सांस्कृतिक तथा खेलकुद महोत्सव ‘एक्सप्रेसन्स २०२६’ सुरु भएको छ। इन्टर्न ब्याच २०१९ को आयोजनामा सुरु भएको महोत्सवको उद्घाटन कास्कीका प्रमुख जिल्ला अधिकारी कमानसिंह गुरुङले गरेका हुन्।

उद्घाटन समारोहलाई सम्बोधन गर्दै प्रमुख जिल्ला अधिकारी गुरुङले चिकित्सा शिक्षासँगै कला, संस्कृति र खेलकुदलाई प्रवर्द्धन गर्ने यस्ता कार्यक्रमले संस्थाभित्र आपसी सद्भाव, अनुशासन, सहकार्य तथा नेतृत्व विकासमा महत्वपूर्ण योगदान पुर्‍याउने बताए। उनले सहभागी सबैलाई जिम्मेवारीपूर्ण र अनुशासित ढङ्गले कार्यक्रममा सहभागी हुन आग्रह गर्दै महोत्सवको सफलताको शुभकामना व्यक्त गरे।