एमाले पुनर्गठनको प्रतिवेदन तयार गर्ने जिम्मा बादल र पोखरेललाई

काठमाडौं । नेकपा (एमाले) को पार्टी पुनर्गठन कार्यदलले देशभरबाट संकलित सुझाव समेटेर प्रतिवेदनको मस्यौदा तयार पार्ने जिम्मेवारी कार्यदलका संयोजक तथा उपाध्यक्ष रामबहादुर थापा 'बादल' र महासचिव शंकर पोखरेललाई दिएको छ ।

बिहीबार बसेको कार्यदल बैठकमा महासचिव पोखरेलले १३ स्थानमा सञ्चालन गरिएको सुझाव संकलन कार्यक्रमबाट प्राप्त प्रतिवेदनबारे जानकारी गराएका थिए ।