गुणस्तरीय बैंकिङ र बजार हिस्सामा निरन्तर सुधार गर्दै राष्ट्रिय वाणिज्य बैंक

काठमाडौँ । देशको बैंकिङ क्षेत्रमा ६ दशकभन्दा लामो इतिहास बोकेको राष्ट्रिय वाणिज्य बैंक लिमिटेडले पछिल्लो समय आफ्नो बजार हिस्सा र वित्तीय सूचकमा उल्लेखनीय सुधार गर्दै गएको छ । चुनौतीपूर्ण आर्थिक अवस्थाका बाबजुद बैंकले वित्तीय अनुशासन, जिम्मेवार बैंकिङ अभ्यास र जोखिम व्यवस्थापनलाई केन्द्रमा राखेर व्यावसायिक विस्तारमा फड्को मारेको हो ।

बैंकका प्रमुख कार्यकारी अधिकृत (सीईओ) देवेन्द्र रमण खनालका अनुसार पछिल्लो पाँच वर्षमा बैंकले निक्षेप सङ्कलन, कर्जा विस्तार र ग्राहक सेवाको गुणस्तरमा ठुलो उपलब्धि हासिल गरेको छ ।