ऐना हेरेर, कपाल कोरेर पेन्सन पट्टा

लाहुरे जीवन, पेन्सन अधिकार र पारिवारिक विगतको कथा बोकेको फिल्म पेन्सन पट्टाले अब आप्mनो प्रेमिल पाटोतर्फ दर्शकको ध्यान तानेको छ। भोलि शुक्रवार रिलिज हुने फिल्ममा समावेश ऐना हेरेर, कपाल कोरेर बोलको गीत सार्वजनिक भएस“गै कथामा जोडिएको प्रेम र सम्बन्धको आयाम पनि बाहिर आएको हो।

ओएसआर डिजिटलमार्फत सार्वजनिक गीतमा सुज र शान्ति श्री परियारको स्वर, सुरज तामुको शब्द र संगीत तथा मनोज थापा मगरको संगीत संयोजन रहेको छ। गीतको भिडियोमा मनोज गुरुङ र अनुशा राईको अभिनय छ। मौलिक स्वादको गीतले फिल्मका पात्रबीचको प्रेम र भावनात्मक सम्बन्धलाई प्रस्तुत गर्छ। फिल्मको कथा भने केवल लाहुरेले पाउने पेन्सनको विषयमा सिमित छैन। पेन्सन पट्टामा बाबुकी पहिलो पत्नीको नाम भेटिएपछि वर्षौ“देखि परिवारबाट ओझेलमा रहेकी जेठी आमाको खोजीमा निस्कने पात्रसगै कथा अघि बढ्छ। हराएको पेन्सन पट्टाको खोजीले पारिवारिक विगत, सम्बन्धको दूरी, पहिचान र पेन्सन अधिकारका जटिलतालाई सतहमा ल्याउ“छ।