रेग्मी र राईविरुद्ध महाभियोग माग्दै संसद्मा पत्र, प्रक्रियामै रोकियो

काठमाडौँ । सर्वोच्च अदालतका न्यायाधीश कुमार रेग्मी र अख्तियार दुरुपयोग अनुसन्धान आयोगका प्रमुख आयुक्त प्रेम राईविरुद्ध महाभियोग लगाउन माग गर्दै संघीय संसद् सचिवालयमा पत्र पठाइएको छ। शंकर रजकले रजिस्ट्रीमार्फत पठाएको पत्र भने संसद्को औपचारिक प्रक्रियामा प्रवेश गर्न सकेन।

संसद् सचिवालयका महासचिव पद्मप्रसाद पाण्डेयले पत्र प्राप्त भएको पुष्टि गर्दै संवैधानिक तथा संसदीय प्रक्रिया पूरा नभएकाले त्यसलाई दर्ता गर्न नसकिने बताएका छन्।