कर्णाली प्रदेश स्थापनाको ९ वर्ष : ३४ सय किलोमिटर नयाँ ट्रयाक, ३४१ किलोमिटर सडक कालोपत्रे

काठमाडौं । कर्णाली प्रदेश सरकारले स्थापना भएको नौ वर्षमा ३४१.३७ किलोमिटर सडक कालोपत्र गरेको छ भने ३ हजार ४१६.०५ किलोमिटर नयाँ सडक ट्रयाक खोलेको छ।

सम्पन्न आर्थिक वर्ष २०८२/८३ मा १६५ किलोमिटर लक्ष्य रहेकामा ९१.७७ किलोमिटर मात्रै सडक कालोपत्र भएको छ । भौतिक पूर्वाधार मन्त्रालयको पुँजीगत बजेट कार्यान्वयन ४८ प्रतिशतमा सीमित भएको छ, र ७७२ आयोजनामध्ये ३८९ वटा मात्रै सम्पन्न भएका छन्।