एमालेमा निर्वाचन समीक्षा र पार्टी पुनर्गठनको मस्यौदा तयार पार्ने जिम्मा थापा–पोखरेललाई

नेकपा (एमाले) ले पार्टीको निर्वाचन समीक्षा तथा पुनर्गठन प्रक्रियालाई अगाडि बढाउँदै कार्यदलको मस्यौदा प्रतिवेदन तयार गर्ने जिम्मेवारी कार्यदलका संयोजक तथा उपाध्यक्ष रामबहादुर थापा र सदस्य–सचिव तथा महासचिव शंकर पोखरेललाई दिएको छ।

फागुन २१ गते सम्पन्न निर्वाचनको समीक्षा तथा पार्टी पुनर्गठनका लागि गठित कार्यदलको बैठकपछि महासचिव शंकर पोखरेलले निर्णय सार्वजनिक गर्दै पार्टीलाई वैचारिक, राजनीतिक र संगठनात्मक रूपमा अझ सुदृढ, एकताबद्ध तथा प्रभावकारी बनाउने उद्देश्यका साथ पुनर्गठनको कार्ययोजना तयार गर्ने प्रक्रिया अघि बढाइएको जानकारी दिए।