ईभी काण्डमा संसदीय छानबिन समिति गठन गर्न एमालेको माग

काठमाडौँ । विपक्षी दल नेकपा एमालेले विद्युतीय सवारी (ईभी) आयातमा भएको कर छलीको विषयमा छानबिन समिति गठन गर्न माग गरेको छ । एमाले सांसद लक्ष्मीप्रसाद पोखरेलले प्रतिनिधिसभाको बैठकमा आकस्मिक समयमा बोल्दै बजेट निर्माणको पूर्व सन्ध्यामा कर छली गरेर भित्र्याइएका ईभी गाडीको विषयमा प्रश्न उठाएका हुन् ।

उनले करका दरहरू हेरफेर गरी राज्यलाई नोक्सान पुर्‍याउने गरी गाडी भित्र्याइएको भन्दै यस विषयमा संसदीय छानबिन समिति गठन गर्न माग गरेका हुन् ।