अबदेखि कर्मचारीको खराब आचरण व्यक्तिगत अभिलेखमै राखिने

अब निजामती कर्मचारीहरूको नकारात्मक आचरण तथा उनीहरूबाट भएका अनुशासन उल्लङ्घनका घटनाहरू उनीहरूको व्यक्तिगत अभिलेखमै राखिने भएको छ।

मन्त्रिपरिषद् तथा प्रधानमन्त्री कार्यालयको निर्देशनअनुसार राष्ट्रिय किताबखानाले यस्तो अभिलेख राख्न सुरु गरेको हो। राष्ट्रिय किताबखाना (निजामती) का महानिर्देशक श्रवणकुमार पोखरेलका अनुसार दुई दिनअघि मन्त्रिपरिषद् तथा प्रधानमन्त्री कार्यालयबाट किताबखानालाई यस्तो निर्देशन आएको हो।