नेपाल एसीसी प्रिमियर कपको फाइनलमा

काठमाडौँ । नेपाल तेस्रो संस्करणको पुरुष एसीसी प्रिमियर कपको फाइनलमा प्रवेश गरेको छ । आज भएको सेमिफाइनल खेलमा नेपालले ओमानलाई ८७ रनले पराजित गर्दै फाइनलमा पुगेको हो । नेपालले दिएको १ सय ४८ रनको लक्ष्य पछ्याएको ओमान २८ आभेर १ बलमा ६० रनमा अलआउट भयो ।

ओमानका जतिन्दर सिंहले ४१ बलमा २५ र जितेन रामानन्दीले ४२ बलमा १३ बनाउनुबाहेक अन्य कुनै पनि ब्याटर चल्न सकेनन् । नेपालका कप्तान सन्दीप लामिछाने र दीपेन्द्रसिंह ऐरीले समान ३, ललित राजवंशी र रोहितकुमार पौडेलले समान २ विकेट लिए ।