ओमानलाई हराउँदै नेपाल फाइनलमा, उपाधिका लागि यूएईसँग भिड्ने

काठमाडौं । नेपाल एसीसी पुरुष प्रिमियर कपको फाइनलमा पुगेको छ।

मलेसियाको क्वालालम्पुरस्थित बायुएमस क्रिकेट ओभलमा बिहीबार भएको सेमिफाइनल खेलमा नेपालले ओमानलाई ८७ रनले पराजित गरेको हो । यससँगै नेपालले उपाधिका लागि यूएईसँग प्रतिस्पर्धा गर्ने भएको छ । अर्को सेमिफाइनलमा हङकङलाई ७ विकेटले पराजित गर्दै यूएईले फाइनलको यात्रा तय गरेको थियो।