पोखरा बसपार्कका घर, टहरा भत्काउन थालियो

पोखरा महानगरपालिकाले वडा नम्बर ९ मा पर्ने पोखरा बसपार्क क्षेत्रका घर, टहरा भत्काउन सुरु गरेको छ । महानगरले आफैं घर, टहरा हटाउन दिएको समयसीमा सकिँदा खाली भएका घर, टहरा भत्काएर बसपार्क सम्याउन थालिएको हो ।

जग्गाधनीपुर्जा भएका र सुकुम्बासीले समेत आफैं खाली गरेका टहरा भत्काएर बसपार्क सम्याउन थालिएको हो । बसपार्क क्षेत्रमा सुकुमबासीका पाँच सयभन्दा बढी घर, टहरा, सरकारी स्कुल, टोल विकास संस्थाका भवनहरु छन् । महानगर प्रमुख धनराज आचार्यले पोखरा बसपार्कको खाली भइसकेको क्षेत्रमा सरसफाइ, संरचना हटाउने तथा सम्याउने काम सुरु गरिएको बताउनुभयो ।