१२ संघीय अस्पतालमा कम्तीमा ५० शव अट्ने शवगृह बनाइने

काठमाडौं । स्वास्थ्य तथा खाद्य स्वच्छता मन्त्रालयले विपद्का समयमा ठूलो संख्यामा शव व्यवस्थापन गर्न सक्ने गरी देशका विभिन्न संघीय अस्पतालमा शवगृह निर्माण तथा क्षमता विस्तार गर्ने योजना अघि बढाएको छ।

मन्त्रालयका अनुसार १२ वटा संघीय अस्पताल तथा स्वास्थ्य विज्ञान प्रतिष्ठानमा एकपटकमा कम्तीमा ५० वटा शव राख्न सक्ने क्षमताको शवगृह निर्माण वा विस्तार गरिनेछ।