कोटहीमाई गाउँपालिकामा अख्तियारको छापा, कागजपत्र नियन्त्रण

भैरहवा : अख्तियार दुरुपयोग अनुसन्धान आयोगको बुटवल कार्यालयले रुपन्देहीको कोटहीमाई गाउँपालिका कार्यालयमा छापा मारेर कागजपत्र नियन्त्रणमा लिएको खुलेको छ । नदीजन्य पदार्थको ठेक्कामा अनियमितता भएको उजुरीका आधारमा अख्तियारले मंगलबार छापा मारेर ठेक्कासँग सम्बन्धित कागजपत्र नियन्त्रणमा लिएको हो । कोटहीमाई गाउँपालिकाका प्रमुख प्रशासकीय अधिकृत सतेन्द्र यादवले घटनाको पुष्टि गर्दै अख्तियारले ठेक्कासँग सम्बन्धित कागजपत्रको प्रतिलिपी लिएर गएको बताए ।

उनका अनुसार, पालिकाको वडा नम्बर–५ स्थित बेनीघाटमा नमुना कन्सट्रक्सनले १६ लाख रुपैयाँमा १ लाख ७७ हजार ७ सय ७२ घनफिट उत्खनन्का लागि ठेक्का पाएको थियो । कन्सट्रक्सनले घाटगद्दी (उत्खनन् पश्चात सामग्री जम्मा गर्ने स्थल) गर्ने अनुमति पाएको स्थानभन्दा फरक स्थानमा घाटगद्दी गरेको पाइएको उनको भनाइ छ ।