राष्ट्रिय सभालाई दोष देखाएर मन्त्री गौतमले आफ्नो असक्षमता ढाकेको हो : सांसद कर्ण

नेपाली कांग्रेसकी सांसद निनुकुमारी कर्णले राष्ट्रिय सभाले कुन–कुन कानुन निर्माणमा अवरोध गरेको हो भन्दै कानुन, न्याय तथा संसदीय मामिलामन्त्री सोबिता गौतमलाई प्रश्न गरेकी छन्।

बिहीबार सिंहदरबारमा बसेको कानुन, न्याय तथा मानव अधिकार समितिको बैठकमा बोल्दै कर्णले राष्ट्रिय सभामा राष्ट्रिय स्वतन्त्र पार्टीको प्रतिनिधित्व नभएकै कारण कानुन निर्माण गर्न नसकिएको मन्त्री गौतमको भनाइप्रति आपत्ति जनाएकी हुन्।