राज्यलाई कमजोर बनाउने खेल खेलियो : भीम रावल

काठमाडौं । नेपाली कम्युनिस्ट पार्टी (नेकपा)का नेता भीम रावलले दक्षता र अनुभव हासिल गरेको जनशक्तिलाई हटाएर राज्यलाई कमजोर बनाउने खेल खेलिएको आरोप लगाएका छन् । लोकसेवा आयोगको परीक्षा र प्रशासनिक प्रक्रियाबाट छानिएका कर्मचारीलाई निष्कासन गर्नु आर्थिक कठिनाइ र देशका निम्ति अत्यन्त घातक हुने उनले टिप्पणी गरेका हुन् ।

“यस्तो संवेदनशील विषयमा राजनीतिक दलका नेताहरू, सांसद, स्वयं कर्मचारीहरू र नागरिकहरूको गम्भीर रूपमा ध्यान जानुपर्छ । नेपाल २००७ सालपछिको परिवर्तनका अनेक चरणहरूमा यस्ता प्रकारका षड्यन्त्रहरू र प्रयोगबाट आक्रान्त हुँदै आएको छ । यस्तो स्थितिबाट देशलाई जोगाउनुपर्छ,” रावलले बिहीबार सामाजिक सञ्जालमा लेखेका छन् ।