उद्योगमन्त्री यादवको ‘पाता कस्ने’ अभिव्यक्तिप्रति उद्योग वाणिज्य महासङ्घको आपत्ति

काठमाडौँ । नेपाल उद्योग वाणिज्य महासङ्घले उद्योग, वाणिज्य तथा आपूर्तिमन्त्री गौरी कुमारी यादवले एलपी ग्यासको आपूर्ति व्यवस्थाका सन्दर्भमा उद्योगी–व्यवसायीप्रति व्यक्त गरेको अभिव्यक्तिप्रति गम्भीर आपत्ति जनाएको छ ।

मन्त्री यादवले बुधबार उद्योग समितिको बैठकमा उद्योगी व्यवसायीका कारण उपभोक्ताले ग्यास नपाएको भन्दै उनीहरूलाई पाता कस्नुपर्ने बताएकी थिइन् । मन्त्री यादवको अभिव्यक्तिप्रति महासङ्घले ध्यानाकर्षण भएको भन्दै समस्या समाधान गरी उपभोक्तालाई सहज र नियमित आपूर्ति सुनिश्चित गर्नुपर्ने संवेदनशील समयमा सम्पूर्ण उद्योगी–व्यवसायीलाई दोषी देखाउने तथा ‘उद्योगीहरूको पाता नफर्काएसम्म ग्यास सहज हुँदैन’ भन्ने जस्तो अभिव्यक्ति आउनु अत्यन्तै आपत्तिजनक, गैरजिम्मेवार र दुःखद भएको जनाएको छ ।