क्यानले गर्‍यो खेलाडी वर्गीकरण‚ रोहित‚ दीपेन्द्र र सन्दीपले मासिक एक लाख २० हजार पाउने

काठमाडौँ। नेपाल क्रिकेट संघ (क्यान) ले सन् २०२६ का लागि पुरुष र महिला खेलाडीको वर्गीकरण गरेको छ।

क्यानले ३८ पुरुष र २५ महिला खेलाडीलाई विभिन्न चार श्रेणीमा वर्गीकरण गरेको हो। क्यानले सोमबार जारी गरेको विज्ञप्तिअनुसार पुरुषतर्फ ए प्लस, ए, बी, सी र डेभलपमेन्ट समूहमा खेलाडीलाई समावेश गरेको छ। ए प्लस श्रेणीमा रोहित पौडेल, दीपेन्द्रसिंह ऐरी र सन्दीप लामिछाने परेका छन्। ए श्रेणीमा सोमपाल कामी, आसिफ शेख, कुशल भुर्तेल र करण केसी परे।