‘ग्यास नपाएर सुत्केरीलाई खुवाउन नसक्दा युवाले आत्महत्या प्रयास गरे, यसको जिम्मा कसले लिन्छ ?’

२५ भदौ, काठमाडौं । नेपाल कम्युनिस्ट पार्टी (नेकपा) का सांसद प्रेमबहादुर वयकले बजारमा देखिएको खाना पकाउने ग्यासको चरम अभाव र त्यसले नागरिकमा निम्त्याएको निराशाप्रति सरकारको गम्भीर ध्यानाकर्षण गराएका छन्।

बिहीबार प्रतिनिधिसभाको बैठकमा बोल्दै सांसद वयकले ग्यास नपाएर सुत्केरी श्रीमतीलाई खाना खुवाउन नसकेपछि एक युवाले आत्महत्याको प्रयास गरेको विक्षिप्त घटना सुनाउँदै यसको नैतिक जिम्मेवारी सरकारले लिनुपर्ने बताएका हुन्।