त्रिपुरेश्वर आत्मदाह प्रयास ट्राफिक कारबाहीसँग सम्बन्धित छैन : ट्राफिक प्रहरी

काठमाडौं । काठमाडौंको त्रिपुरेश्वरमा २५ वर्षीय गणेश नेपालीले गरेको आत्मदाह प्रयासको घटना ट्राफिक प्रहरीको कारबाहीसँग सम्बन्धित नरहेको काठमाडौँ उपत्यका ट्राफिक प्रहरी कार्यालयले जनाएको छ।

बिहीबार मध्यान्ह राहदानी विभागको ३ नम्बर गेटअगाडि गणेशले आत्मदाह प्रयास गरेका थिए। गम्भीर घाइते भएका उनलाई थप उपचारका लागि भारतको नयाँ दिल्लीस्थित अखिल भारतीय आयुर्विज्ञान संस्थान (एम्स) लगिने तयारी गरिएको छ।