गोल्डेन गर्लले रचिन् एथलेटिक्समा इतिहास

काठमाडौँ। लामो दूरीको धाविका ओलम्पियन सन्तोषी श्रेष्ठले मध्यम दूरीमा पनि राष्ट्रिय कीर्तिमान बनाउँदै इतिहास रचेकी छन्। १५ सय मिटरमा राष्ट्रिय कीर्तिमान बनाउँदै उनी एकै वर्ष सात राष्ट्रिय कीर्तिमान बनाउने कीर्तिमानी धाविका बनेकी छिन्।

गोल्डेन गर्लको उपमा पाएकी सन्तोषीले भारतको झारखण्डमा आयोजित नेसनल सिनियर एथलेटिक्स फेडेरेसन कम्पिटिसन २०२६ मा शनिबार नयाँ कीर्तिमान कायम गरेकी हुन्। सामान्यत: लामो दूरी र मध्यम दूरीमा एकै सिजनमा कीर्तिमान राख्नु एथलेटिक्समा दुर्लभ मानिन्छ।