इरानले भन्यो– अमेरिकासँग धेरै मुद्दाहरूमा सहमति भयो, समयसीमा तय भएकाे छैन

काठमाडौं । इरानको विदेश मन्त्रालयका प्रवक्ता इस्माइल बघाईले सोमबार अमेरिकासँग जारी वार्तामा धेरै मुद्दाहरूमा सहमति भइसकेको बताएका छन् । तर, कुनै पनि सम्झौतालाई अन्तिम रूप दिनका लागि अहिले नै कुनै समय तय नगरिएको उनले प्रष्ट पारेको समाचार संस्था एएफपीले जनाएको छ ।

स्थानीय सञ्चारमाध्यमका अनुसार, एक पत्रकार सम्मेलनमा बघाईले यो जानकारी दिएका हुन् । उनले सम्झौता चाँडै नै हुन लागेको दाबी कसैले पनि गर्न नसक्ने बताए ।