राष्ट्रियसभाले कानुन बनाउन सहयोग गरेन भनी बोलेकी छैन : कानुनमन्त्री गौतम

काठमाडौं। कानुन, न्याय तथा संसदीय मामिलामन्त्री सोविता गौतमले कानुन बनाउन सहयोग नगरेको भनी आफूले नबोलेको प्रष्ट पारेकी छन्।

राष्ट्रियसभाको आजको बैठकमा समय माग गरेर समसामयिक विषयमा आफ्ना धारणा राख्दै उनले भदौ २३ गते जेन–जी परिवारले आयोजना गरेको कार्यक्रममा आफूले तथ्य बाहिर गएर केही नभनेको प्रष्ट पारिन्। सभाको आजको बैठकको शून्य समयमा सदस्यहरूले कानुनमन्त्री गौतमले कानुन बनाउन राष्ट्रियसभाले असहयोग गरेको भनी समाचारमा आएको विषयप्रति आपत्ति जनाइन्।