प्रधानमन्त्रीको अमेरिका भ्रमण स्वीकृत, मिटरब्याजदेखि सचिव बढुवासम्मको निर्णय

काठमाडौं– सरकारले प्रधानमन्त्री बालेन्द्र शाहको नेतृत्वमा संयुक्त राष्ट्रसंघको ८१औँ महासभामा सहभागी हुन अमेरिका जाने नेपाली प्रतिनिधिमण्डलको भ्रमण स्वीकृत गरेको छ।

बिहीबार बसेको मन्त्रिपरिषद् बैठकका निर्णय सार्वजनिक गर्दै शिक्षामन्त्री सस्मित पोखरेलले प्रधानमन्त्री शाहको नेतृत्वमा नेपाली प्रतिनिधिमण्डल महासभामा सहभागी हुने जानकारी दिएका हुन्। उनका अनुसार आगामी असोज ६ देखि १० गतेसम्म हुने महासभामा सहभागी हुने प्रतिनिधिमण्डलको भ्रमणलाई मन्त्रिपरिषद्ले स्वीकृति दिएको हो।