सिरहा पुगेर प्रचण्डले भने- हिमाल, पहाड र तराईबाट चुनाव जितेर प्रधानमन्त्री बन्ने एक्लो नेता हुँ

काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ ले सबै भौगोलिक क्षेत्रबाट चुनाव जितेर प्रधानमन्त्री बन्ने एक्लो नेता आफू मात्रै भएको दाबी गरेका छन् । आज सिरहा पुगेका प्रचण्डले हिमाल, पहाड र तराईबाट चुनाव जित्ने एक्लो नेता आफू भएको बताए ।

उनले भने, ‘म मात्रै नेपालमा त्यस्तो पूर्वप्रधानमन्त्री भएँ, जो तराई मधेशबाट पनि निर्वाचन लडेर जित्यो, राजधानीमा पनि निर्वाचन लडेर जित्यो, चितवन भित्री मधेशमा पनि निर्वाचन लडेर जित्यो र गोरखाबाट पनि निर्वाचन लडेर जित्यो र अहिले हिमालीमा छु, विचार गर्नुस्, अरू कोही छैनन् ।’