काभ्रेका बाढीपीडित दुई वर्षदेखि टहरामै: बजेट भए पनि ‘विपद् पोर्टल’ र कार्यविधिमै अड्कियो स्थायी घर

२०८१ असोज ११ र १२ गतेको विनाशकारी बाढीपहिरोले घरबारविहीन बनाएका काभ्रेपलाञ्चोकका सयौँ परिवार दुई वटा वर्षायाम र दुई वटा हिउँद अस्थायी टहरामै गुजार्न बाध्य भएका छन्।

सरकारबाट स्थायी आवास पुनर्निर्माण अनुदान पाउने आशामा बसेका पीडितहरूको सपना क्षतिको नापजाँच, लाभग्राही पहिचान र प्रशासनिक झन्झटमै अल्झिएको छ। २०८१ को क्षतिमा २०८२ असोजको बाढीले थप विपत्ति निम्त्याए पनि उनीहरू सुरक्षित छानामुनि फर्किन सकेका छैनन्।