रुग्ण उद्योग पुनरुत्थानको बाटोमा सरकार, सांसद भन्छन्ः औपचारिकता होइन, रोजगारी सिर्जना होस्

काठमाडौँ । मुलुकको शिथिल अर्थतन्त्रलाई चलायमान बनाउन स्वदेशी कच्चा पदार्थको उत्पादन बढाउनुपर्ने, रुग्ण उद्योगहरू पुनः सञ्चालन गर्नुपर्ने र वैदेशिक व्यापारमा रहेका नीतिगत तथा प्राविधिक अवरोध तत्काल हटाउनुपर्ने आवश्यकता औँल्याइएको छ ।

राष्ट्रिय सभाको विकास, आर्थिक मामिला तथा सुशासन समितिको बैठकमा उद्योग, वाणिज्य तथा आपूर्ति मन्त्रालयको कार्ययोजना, बजेट कार्यान्वयनको अवस्था र नीतिगत सुधारका प्रयासबारे छलफल भएको हो । बिहीबारको बैठकमा सांसदहरूले मन्त्रालयको कामकारबाहीप्रति गम्भीर चासो र चिन्ता व्यक्त गरे।