बाढी प्रभावित क्षेत्रमा चिकित्सक संघको राहत अभियानका लागि युएसभीको डेढ करोड सहयोग

काठमाडौं– नेपालमा हालै आएको बाढीबाट प्रभावित परिवारको राहतका लागि युएसभी फर्मास्युटिकल्सले नेपाल चिकित्सक संघको राहत अभियानका लागि १ करोड ५० लाख रुपैयाँ सहयोग गरेको छ।

भारतको मुम्बइमा रहेको बहुराष्ट्रिय कम्पनी युएसभी फर्मास्युटिकल्सका प्रतिनिधि र चिकित्सक संघका प्रतिनिधिबीच सहयोगका विषयमा सम्झौता भएको छ। बिहीबार चिकित्सक संघको कार्यालयमा आयोजित कार्यक्रममा संघका अध्यक्ष डा बद्री रिजाल र युएसभीका चिफ बिजनेस अफिसर महिध्वज एस सिसोडियाबीच सम्झौता पत्र आदनप्रदान भएको छ।