जेनजी आन्दोलन: उदयपुरका पीडितको प्रश्न- क्षतिपूर्ति कहिले ?

जेनजी विद्रोहका क्रममा तोडफोड र आगजनीबाट करोडौँ रुपैयाँको क्षति बेहोरेका उदयपुरका पीडितले घटना भएको एक वर्ष बितिसक्दा पनि क्षतिपूर्ति नपाएको गुनासो गरेका छन् ।

भदौ २४ गतेको आन्दोलनका क्रममा उदयपुरमा सरकारी कार्यालय, राजनीतिक दलका कार्यालय, संघसंस्था तथा निजी सम्पत्तिमा तोडफोड र आगजनी भएको थियो । जिल्ला प्रशासन कार्यालयका अनुसार जिल्लामा सरकारी, गैरसरकारी तथा निजी सम्पत्तिमा गरी ८ करोड ३५ लाख ९४ हजार १ सय १६ रुपैयाँ बराबरको क्षति भएको थियो ।