उपत्यकासहित विभिन्न भूभागमा वर्षा, दुई प्रदेशमा भारी वर्षाको सम्भावना

जल तथा मौसम विज्ञान विभाग अन्तर्गतको मौसम पूर्वानुमान महाशाखाले बिहीबार राति कोशी र बागमती प्रदेशको पहाडी भूभागका केही स्थानमा भारी वर्षाको सम्भावना रहेको बताएको छ ।

महाशाखाका अनुसार अहिले कोशी, बागमती, लुम्बिनी प्रदेशको थोरै स्थानमा तथा मधेस, गण्डकी र सुदूरपश्चिम प्रदेशको एक, दुई स्थानमा मेघगर्जन चट्याङ्गसहित मध्यमसम्मको वर्षा भइरहेको छ । यसैगरी, कर्णाली प्रदेशको पहाडी भूभागको एक, दुई स्थानमा भारी वर्षा भइरहेको छ ।