शंकरको प्रतिवेदन खारेज गर्दै बादलले ल्याए ओलीको बचाउमा ३९ पन्ने काउन्टर प्रतिवेदन

काठमाडौँ । एमाले उपाध्यक्ष रामबहादुर थापा ‘बादल’ ले महासचिव शंकर पोखरेलले यसअघि तयार गरेको चुनावी समीक्षा र पार्टी पुनर्गठनसम्बन्धी मस्यौदा प्रतिवेदनलाई पूर्ण रूपमा खारेज गर्दै अध्यक्ष केपी शर्मा ओलीको बचाउमा ३९ पृष्ठ लामो काउन्टर प्रतिवेदन तयार पारेका छन्।

‘पार्टी सुदृढीकरण, रूपान्तरण र पुनर्जागरणका लागि नेकपा (एमाले) को साझा सङ्कल्प’ शीर्षक दिइएको उक्त दस्ताबेज शुक्रबार बस्ने कार्यदलको बैठकमा पेस गरिँदै छ।