अमेरिकाले जर्मनीलाई टोमाहक मिसाइल बिक्री गर्ने

बर्लिन। अमेरिकाले जर्मनीलाई लामो दूरीको टोमाहक क्रुज मिसाइल बिक्रीको अनुमति दिएको जर्मन चान्सलर फ्रेडरिक मर्जले बिहीबार बताएका छन् । यसअघि अमेरिकाले जर्मनीलाई टोमाहक दिने वा नदिने बिषयमा केही आशङ्का थियो ।

“अङ्कारामा भएको नाटो बैठकको अवसरमा हामीले अमेरिकी सरकारसँग सहमति गरेका छौँ । हामीले अमेरिकी टोमाहक मिसाइल किन्नेछौँ र जर्मनीमा तैनाथ गर्नेछौँ,’ मर्जले संसद्मा गरेको सम्बोधनमा भने । “यो कदमले ‘हाम्रो रक्षामा महत्वपूर्ण रणनीतिक खालीपन पूर्ति हुनेछ,” उनले भने ।