ह्वाट्सएपमा नयाँ सुविधा: अब साथीहरूको जन्मदिनको पनि आउनेछ नोटिफिकेसन

एजेन्सी । विश्वकै लोकप्रिय म्यासेजिङ एप ह्वाट्सएपले आफ्ना प्रयोगकर्ताहरूका लागि एउटा नयाँ र उपयोगी फिचर ल्याउने तयारी गरिरहेको छ ।

अब ह्वाट्सएपले तपाइँका कन्ट्याक्टमा रहेका साथीभाइ तथा आफन्तहरूको जन्मदिनको बारेमा नोटिफिकेसन (अलर्ट) पठाउनेछ ।अहिलेसम्म जन्मदिनको रिमाइन्डर वा नोटिफिकेसनका लागि फेसबुक निकै चर्चित थियो। मेटाले अब आफ्नै अर्को प्लेटफर्म ह्वाट्सएपमा पनि यो सुविधा थप्न लागेको हो ।