जनतालाई जति ग्यास चाहिन्छ दिनैपर्छ, निवर्तमान मन्त्रीसँग छलफल गरेर अघि बढ्छु: उद्योगमन्त्री

नवनियुक्त उद्योग, वाणिज्य तथा आपूर्तिमन्त्री दीपककुमार साहले पदभार ग्रहण गर्दै बजारमा देखिएको खाना पकाउने एलपी ग्यासको समस्या समाधान गर्न आफू गम्भीर भएर लाग्ने प्रतिबद्धता व्यक्त गरेका छन्।

राष्ट्रपति भवन शीतल निवासमा पद तथा गोपनीयताको शपथ लिएलगत्तै सिंहदरबारस्थित मन्त्रालय पुगेर पदभार सम्हाल्ने क्रममा मन्त्री साहले उपभोक्ताको आधारभूत आवश्यकता पूरा गर्नु सरकारको मुख्य दायित्व भएको बताए।