बाढीपीडितको उद्धार र राहत तीव्र बनाउन नेपाली जनता दलको आग्रह

काठमाडौं– नेपाली जनता दलले रसुवाको भोटेकोशी नदीमा आएको विनाशकारी बाढीबाट भएको जनधनको क्षतिप्रति गहिरो दुःख व्यक्त गर्दै उद्धार, राहत र पुनःस्थापनाका कामलाई तीव्र बनाउन सरकारसँग आग्रह गरेको छ।

दलका कार्यकारी अध्यक्ष नवराज सुवेदीले बिहीबार जारी गरेको प्रेस वक्तव्यमा बाढीमा परी ज्यान गुमाएकाहरूप्रति श्रद्धाञ्जली अर्पण गर्दै शोकसन्तप्त परिवारजनप्रति समवेदना व्यक्त गरेको छ। साथै, घाइतेहरूको शीघ्र स्वास्थ्यलाभको कामना गर्दै उद्धार तथा राहतमा खटिएका सुरक्षाकर्मी र नागरिकको प्रयासको प्रशंसा गरेको छ।