पदभार ग्रहण गर्दै नवनियुक्त मन्त्री साह भन्छन् : ‘जनतालाई जति ग्यास आवश्यक छ, त्यति दिनै पर्छ’

काठमाडौं : नवनियुक्त उद्योग, वाणिज्य तथा आपूर्ति मन्त्री दीपककुमार साहले खाना पकाउने एलपी ग्यासको बिक्री वितरणमा देखिएको समस्या समाधानमा आफू गम्भीर भएर लाग्ने बताएका छन्।

राष्ट्रपति भवन शीतल निवासमा बिहीबार पद तथा गोपनीयताको शपथ लगत्तै सिंहदरबारस्थित मन्त्रालयमा पदभार ग्रहण गर्ने क्रममा उनले पत्रकारसँग भने, “जनतालाई जति ग्यास आवश्यक छ, त्यति दिनै पर्छ, छलफल गरेर आवश्यक कदम चाल्नेछौं।”