यसै महिनाभित्र रोजगारी र इन्टर्नसिपको स्पष्ट योजना पेस गर्न मन्त्री चौधरीको निर्देशन

काठमाडौँ । कृषि, वन तथा पर्यावरण मन्त्री गीता चौधरीले मन्त्रालय अन्तर्गतका सबै विभाग तथा निकायलाई युवा पुस्ताले प्रत्यक्ष अनुभूति गर्ने गरी परिणाममुखी काम गर्न कडा निर्देशन दिएकी छन्।

मन्त्रालयमा नेपाल कृषि अनुसन्धान परिषद् (नार्क), दुग्ध विकास संस्थान, जडीबुटी उत्पादन तथा प्रशोधन कम्पनी लिमिटेड, जल तथा मौसम विज्ञान विभाग लगायतका विभागीय प्रमुखहरूसँग भएको छलफलमा मन्त्री चौधरीले यस्तो निर्देशन दिएकी हुन्।