हालान्ड भन्छन् : सम्पूर्ण दबाब इंग्ल्यान्डमाथि छ

२६ असार, काठमाडौं । नर्वेका स्टार फरवार्ड एर्लिङ हालान्डले फिफा विश्वकप २०२६ को क्वार्टरफाइनलअघि सम्पूर्ण दबाब इंग्ल्यान्डमाथि रहेको बताएका छन् । उनले सञ्चारमाध्यमलाई इंग्ल्यान्डमाथि सकेसम्म धेरै दबाब सिर्जना गर्नसमेत आग्रह गरेका छन् ।

आइतबार बिहान हुने क्वार्टरफाइनलमा नर्वेले इंग्ल्यान्डको सामना गर्दैछ । सन् १९९८ पछि पहिलो पटक विश्वकप खेलेको नर्वे यसपटक इतिहास रच्दै पहिलो पटक अन्तिम आठमा पुगेको हो ।