ह्वाट्सएपमा ‘बर्थडे नोटिफिकेसन’ फिचर, परीक्षण सुरु

काठमाडौं । ह्वाट्सएपले प्रयोगकर्ताहरूलाई आफ्ना परिवार, साथीभाइ र आफन्तको जन्मदिन सम्झिन सहज बनाउने नयाँ फिचर विकास गरिरहेको छ । कम्पनीले चाँडै ‘बर्थडे नोटिफिकेसन’ सुविधा ल्याउने तयारी गरेको हो, जसले कन्ट्याक्ट सूचीमा रहेका व्यक्तिको जन्मदिनमा स्वचालित रूपमा रिमाइन्डर पठाउनेछ ।

हालसम्म जन्मदिन सम्झाउने सुविधाका लागि फेसबुक बढी प्रयोग हुँदै आएको छ । अब मेटाले यही सुविधा आफ्नो लोकप्रिय म्यासेजिङ एप ह्वाट्सएपमा पनि विस्तार गर्ने तयारी गरेको विभिन्न प्रविधिसम्बन्धी रिपोर्टहरूले जनाएका छन् ।