साना नदीमा आकस्मिक बाढीको सम्भावना

काठमाडौँ- जल तथा मौसम विज्ञान विभागअन्तर्गत बाढी पूर्वानुमान महाशाखाले आगामी तीन दिन देशका प्रमुख नदीहरूमा जलसतह उल्लेख्य बढ्ने तथा विभिन्न जिल्लाका साना नदीमा आकस्मिक बाढी (फ्ल्यास फ्लड) को मध्यम जोखिम रहेको जनाएको छ।

शुक्रबार जारी बाढी पूर्वानुमान बुलेटिनअनुसार कोशी, नारायणी, बागमती, कर्णाली, महाकाली तथा तिनका सहायक नदीहरू साथै कन्काई, कमला, बबई, पूर्व राप्ती र पश्चिम राप्ती नदीको बहाव सतर्कता तहभन्दा तल रहनेछ। यद्यपि यी नदीहरूको जलसतह आगामी तीन दिनसम्म उल्लेख्य रूपमा बढ्ने अनुमान गरिएको छ।