सेवाग्राहीको प्रवेशलाई व्यवस्थित बनाउन ‘भिजिटर पास’ सेवा

बाजुरा । जिल्ला प्रहरी कार्यालय बाजुराले सेवाग्राहीलाई सहज रूपमा सेवा उपलब्ध गराउन सेवाग्राही पासको प्रबन्ध गरेको छ ।

प्रहरी सेवालाई थप प्रभावकारी, छिटोछरितो र व्यवस्थित बनाउने उद्देश्यले कार्यालयमा आउने सेवाग्राहीका लागि पासको व्यवस्था गरिएको जिल्ला प्रहरी कार्यालयले जनाएको छ । जिल्ला प्रहरी कार्यालयका प्रमुख प्रहरी नायब उपरीक्षक शैलेश्वरी बोहराले सेवाग्राहीलाई पास प्रदान गरी उक्त सेवाको सुरुआत गरे ।