अमेरिकामा शेयर सूचीकरणबाट एसके हाइनिक्सले उठायो साढे २६ अर्ब डलर

वाशिङटन डीसी । दक्षिण कोरियाको कम्प्युटर चिप निर्माता एसके हाइनिक्सले अमेरिकामा शेयर सूचीकरणबाट २६ अर्ब ५० करोड डलर उठाएको छ । यो अमेरिकामा कुनै विदेशी कम्पनीले गरेको अहिलेसम्मकै सबैभन्दा ठुलो सेयर सूचीकरण (लिस्टिङ) भएको कम्पनीले जनाएको छ ।

कृत्रिम बौद्धिकता (एआई) चिप निर्माता एनभिडियाको प्रमुख आपूर्तिकर्तामध्ये एक रहेको एसके हाइनिक्सले बिहीबार १७ करोड ७९ लाख अमेरिकी डिपोजिटरी सेयर प्रतिकित्ता १४९ अमेरिकी डलरका दरले बिक्री गरेको हो । यी सेयरहरू शुक्रबारदेखि नास्डाक स्टक एक्सचेन्जमा कारोबार हुनेछन् । एआई चिपको तीव्र बढ्दो मागका कारण गत मे महिनामा दक्षिण कोरियामै एसके हाइनिक्सको बजार मूल्य १० खर्ब लरभन्दा माथि पुगेको थियो ।