८ हजार मिटर अग्ला हिमाल चढ्ने ६ जनालाई गण्डकी सरकारको सम्मान

पोखरा । गण्डकी प्रदेश सरकारले ८ हजार मिटर भन्दा अग्ला हिमाल चढ्ने आरोहीलाई सम्मान गरेको छ । उद्योग तथा पर्यटन मन्त्रालयले प्रदेशभित्रका ६ जना आरोहीलाई नगद सहित सम्मान गरेको हो ।

मुख्यमन्त्री सुरेन्द्रराज पाण्डे, उद्योग तथा पर्यटन मन्त्री यशोदा रिमाल तथा मन्त्रालयका सचिव रोशन ज्ञवालीले जनही ४५ हजार नगद, सम्मानपत्र, मायाको चिनो र दोसल्ला हस्तान्तरण गरेका हुन् ।